Tashmë Italia renditet si vendi i dytë në botë me numrin më të madh të viktimave nga koronavirusi, pasi SHBA përveç të infektuarve, ka edhe numrin më të lartë të viktimave, që deri tani është 20,580 .
Përtej Adriatikut tragjedia “COVID-19” ka marrë 19, 468 jetë njerëzish dhe ka infektuar 152, 271persona, duke shënuar kështu periudhën më të errët të italianëve, që pas Luftës së Dytë Botërore.
Së fundmi, Instituti i Lartë i Shëndetit në Itali (ISS) ka bërë një studim rreth vdekshmërisë, në një kampioj prej 1500 viktimash nga COVID-19.
Në përfundim është zbuluar se pacientët vdesin dy deri në pesë javë pasi ata janë infektuar.
Kjo është një nga arsyet pse shtohet numri i të infektuarëve në Itali, duke e renditur shtetin italian në vend të dytë për numrin e viktimave.
Po ashtu analizat kanë treguar se ata që vdesin janë kryesisht mbi moshën 70 vjeç dhe se virusi prek më shumë burrat.
Sakaq, është vërtetuar edhe një herë se pjesa më e madhe e atyre që humbin jetën janë pacientët që vuajnë nga sëmundje të tjera shoqëruese.
Vetëm në rajonin e Ligurias, në 230 shtëpi pleqsh, kanë vdekur 800 njerëz, duke përfshirë dhe njerëzit që u shërbenin të moshuarëve.
Po ashtu, sipas drejtuesit të këtij institucioni Silvio Brusaferro, një nga shkaqet kryesore yë vdekshmërisë së lartë është pakujdesia dhe keqmenaximet e ambientëve të kujdesit shëndetësor.
“Gjetjet e para tregojnë se shkaqet e një vdekshmërie kaq të lartë ishin “pakujdesia, sipërfaqësia dhe dështimet në menaxhimin e ambienteve të kujdesit shëndetësor në të cilat të moshuarit vdiqën masivisht për shkak të përhapjes së virusit. Ne kemi një arsye të përgjithshme për një optimizëm të butë, numrat po zvogëlohen për shkak të masave rigoroze, por ende nuk mund të qetësohemi”, -tha Brusaferro.
Disa ditë më parë qeveria italiane njoftoi ndryshimin e strategjisë për luftën ndaj COVID-19, duke miratuar një plan me 5 pika:
- Distancim social,
- mjete mbrojtëse për të gjithë spitale COVID në të gjithë territorin kombëtar,
- përforcim i rrjeteve shëndetësore lokale,
- studim për të kuptuar sa janë prekur dhe
- një aplikacion, si modeli i Koresë së Jugut, për të verifikuar kontaktet e personave të infektuar.
Sakaq, më 10 prill, kryeministri Conte lajmëroi zgjatjen e izolimit deri në 3 maj, duke u shprehur se masat e marra kanë dhënë fryte, por nuk duhet të rrezikojnë, duke çuar në rritjen e numrit të viktimave.
Dekreti i ri/ Italia e “kyçur” deri më 3 maj, Conte: “Nuk mund të rrezikojmë më shumë”
Ndërkohë, Italia ka vendosur që të aplikojë të shumëpërfolurin “testim masiv” që në disa vende ka dhënë rezultat pozitiv, duke arritur të izolohet virusi që po tmerron botën.
Italia i provon të gjitha armët kundër COVID-19: Nis “pasaportat e imunitetit”
