Një mjeke 31 vjeçare u gjet e vdekur javën e kaluar në një spital shtetëror në Kalkuta në Indinë lindore. Policia tha se ajo ishte përdhunuar dhe vrarë dhe një person u arrestua më pas në lidhje me krimin.
Mijëra gra dhe burra marshuan nëpër disa qytete indiane duke mbajtur qirinj dhe postera që shkruanin “rikthejeni natën”. Ky rast shkaktoi gjithashtu protesta nga mjekët e tjerë që kërkonin kushte më të mira dhe më të sigurta pune, raporton Aljazeera.
Shumë spitale qeveritare në qytete anembanë Indisë pezulluan të gjitha shërbimet përveç departamenteve të urgjencës në fillim të kësaj jave, pasi mjekët e rinj u bashkangjitën në protestë, duke kërkuar drejtësi për viktimën.
Krimet kundër grave në Indi u rritën me 4 për qind në 2022 krahas vitit 2021, tregojnë të dhënat nga Byroja Kombëtare e Regjistrimeve të Krimit (NCRB), të publikuara në fund të vitit të kaluar.
