Studentët e juridikut vazhdojnë edhe sot rezistencën. Ata po qëndrojnë të ngujuar brenda ambjenteve të Fakultetit të Drejtësisë që nga dita e djeshme.
“Ne do e mbajmë tentativën gjallë pa u prekur nga terrori i kryeministrit Rama dhe policisë private. Do luftojmë për këtë bojkot.
Ne nuk merremi as nuk shkruhemi me kryeministrin. Ai është bërë si kalama, shkruan në whatsapp. Tani të bëhet kryeministër ose të largohet. Ne nuk e kemi bllokuar mësimin, po luftojmë për të drejtat tona. Kryeministrit iu vranë 4 vetë në bulevard dhe premtoi drejtësi e asgjë nuk bëri. Tani na thotë neve vagabondë, ne i kemi duart me gjak, kemi luftuar me policinë.”-tha një student.
Por ndërkohë mësohet se pak pas mesnate ka ndodhur një përplasje mes rojeve të sigurise private dhe studentëve të Juridikut që janë të ngujuar në Universitet që prej mëngjesit të djeshëm. Sipas BalkanWeb se ka pasur një përplasje fizike ku rojet e sigurisë private kanë hapur me forcë derën që mbahej e mbyllur nga studentët e ngujuar.
Ndërkohë që edhe forca të tjera të Policisë së Shtetit ndodhen jashtë oborrit të Universitetit të Drejtësisë.
Studentët shprehen të revoltuar për këtë ndërhyrje të forcave të policisë private në ambientet e Universitetit. Momentalisht të gjithë studentët janë të mbledhur në një sallë leksioni ndërkohë që nuk pranojnë të dalin jashtë.
