Situata nga pandemia, ka thelluar edhe më shumë pabarazinë mes klasave shoqërore në vendin tonë.
Prej muajsh tashmë kemi dëgjuar nga mediat apo edhe nga të njohur, që biznesmenët, klerikët, politikanët, të cilët janë infektuar me covid-19, kanë shkuar që të kurohen jashtë. V
Mirëpo kjo mundësi nuk i është edhe qytetarëve të thjeshtë, që po sakrifikohen në dyert e tejmbushura të spitaleve covid dhe jo vetëm.
Ndër rastet flagrante dhe ironi e fatit ishte edhe ikja për kurim jashtë shtetit e binzesmenes Vilma Nushi, e cila ishte fituesja e koncesionit për Check Upet falas në spitalet shtetërore.
Po ashtu edhe rasti i tre krerëve të klerit dhe komuniteteve Islame, Katolike dhe Ortodokse, të cilët shkuan për trajtim dhe kurim pas infektimit me covid respektivisht në Turqi, Itali dhe Greqi, ishte një tregues i pabarazisë me qytetarët e tjerë taksapagues të vendit.
Ndërkohë përmasat e pandemisë po zmadhohen frikshëm, ndërsa sistemi shëndetësor është në buzë të greminës.
Ndërkohë që njerëzit e thjeshtë vdesin në spitalet publike të Shqipërisë, të priviligjuarit shpenzojnë dhjetëra mijëra euro për t’u kuruar jashtë vendit.
Ata që e kanë grabitur dhe shkatërruar sistemin shëndetësor publik janë të sigurt nga vdekja, duke na lënë ne të tjerëve nën rrënojat e bëmave të tyre.
Sipas statistikave, në shumë pak kohë kapacitetet spitalore në vend do të ezaurohen dhe kësisoj është nevojë emergjente hapja e spitaleve të reja dhe kujdesi shëndetësor i plotë për çdo të sëmurë.
Mes jetës dhe vdekjes në fakt të gjithë duhet të jenë të barabartë!/GazetaReforma.com/
