Një ditë zie për sportin shqiptar kjo e sotmja, pasi është ndarë nga jeta një nga boksierët më të mirë shqiptar, Ahmet Golemi. Ai u nda nga jeta në moshën 85-vjeçare, ndërsa lajmin e ka bërë të ditur i biri I tij përmes një postimi në rrjetet sociale.
“Miq dhe dashamrës! Me hidhërim të thellë njoftoj ndarjen se sot u nda nga jeta babi im, Ahmet Golemi”, shkruan ai.
Ahmet Golemi është shpallur pesë herë kampion në peshën e tij në vendin tonë. Kontributi i tij në sport do të mbahet mend gjatë, derisa regjimi i kaluar e ndaloi si sport, por edhe për shkak të dënimit që ai mori në kohën e diktaturës për agjitacion dhe propagandë.
Golemi gjithashtu u ndëshkua edhe me burg ndër të tjera, pasi festoi një nga fitoret legjendare të Cassius Clay, atë kundër George Foreman në 1974, në Kinshasa të Kongos. Arsyeja e dënimit të tij ishte se ai bleu një tortë 250 lekëshe për të festuar këtë fitore.
Ahmet Golemi u dënua me pesë vite burg në vitin 1979. Pas viteve ’90, ai do të mbetet në kujtesë për komentimin e ndeshjeve, duke u cilësuar kështu edhe si komentatori më i mirë i boksit në vendin tonë. Për këto arsye ai është dekoruar edhe si “Mjeshtër i Madh” nga presidenti i vendit.
