Spitali i Durrësit u përfshi nga flalkët mesnatën e kaluar, duke shkaktuar panik tek pacientët.
Drejtoresha e spitali, Nadire Jani, tha për “Balkanweb”, se zjarri ka përfshirë kabinën kryesore të energjisë elektrike dhe rrjetin elektrik në gjysmën e spitalit, nga kati i parë deri në të katërtin.
Për pasojë pacientët e neurologjisë dhe kirurgjisë janë zhvendosur.
Pesë pacientë ndërkohë që kërkonin oksigjenim, janë nisur drejt Tiranës.
“Zjarri përfshiu kabinën kryesore të energjisë elektrike dhe rrjetin elektrik në gjysmën e spitalit nga kati i parë në të katërt, duke bërë që gjysma e spitalit të mbetej pa energji. Të gjithë pacientët e neurologjisë, kirurgjisë, janë zhvendosur. Ndërsa 5 qe kërkonin oksigjenim janë dërguar në Tiranë. Evakuimi i të gjithë pacientëve u bë pasi u shkaktua një tym i madh që përfshiu katin e parë e deri në të katërt. Fillimisht kanë ndërhyrë rojet e spitalit, derisa kanë ardhur zjarrfikëset e Durrësit. Lajmërimi i parë erdhi në 00:20, ndërkohë që shkaktoi shumë panik te pacientët dhe të afërmit e tyre që ishin në spital”, tha drejtoresha e Spitalit për gazetaren Haxhiaj.
