Pasi ka mbaruar fjalën e saj në foltoren e Kuvendit, Hajdari është kundërshtuar nga Elisa Spiropali.
Kjo e fundit ka komentuar edhe shkarkimin e saj si kryetare nga Grupi Parlamentar i PD-së, duke thënë se opozita vjen erë myk.
Deputetja e PS ka përmendur edhe çështjen e Teatrit Kombëtar, ku është shprehur se do të ngrihet më i fortë dhe më i bukur, e ndërsa aktorët që kanë kundërshtuar prishjen e teatrit i ka cilësuar trushpëlarë e jo artistë.
Spiropali në fjalën e saj ka ofenduar edhe artistët, por pas mbarimit të fjalës Hajdari i ka thënë se duhet të ketë turp për ato që kishte folur, e sidomos për artistët shqiptarë.
“Të nderuar deputetë të depozitës këtu në Kuvend, e nderuar Rudina. Ju sigurisht keni shumë gjëra ndryshe nga Opozita që është në rrugë por keni dy gjëra të përbashkëta.
Ju të dy mendoni se se mund të ktheni kohën mbrapsht dhe mendoni se pakica mund të mposhtë shumicën, dhe se mund të fitoni me patos e me sulme.
Vjen era myk kërkesa e Opozitës jashtëparlamentare, do të mbajë në këmbë sistemin e vjetër të drejtësisë. Po ju çfarë kërkoni?
E dini mirë se çfarë deputetësh kishim në Kuvend, herë Bajraktarë, herë agallarë e herë të fortë që ua nxirrnin votat nga hundët qytetarëve.
Mos hajdeni këtu të na thoni këto. Ne kemi në dorë që njerëzit që numërojnë votat të jenë të depolitizuar dhe t’u përgjigjen qytetarëve.
Nga ana tjetër në Kolegj duam që të jenë gjyqtarë që e kanë kaluar Vettingun dhe të mos prishin rendin. Edhe një çështje tjetër, Teatri. Ja ku bashkoheni edhe ju me ata.
Sepse ata janë tallur, Teatri Komëbtar i Shqipërisë, do të ngrihet aty, më i fortë dhe më i bukur se kurrë.
Nuk kemi patur teatër moj zonjë, kanë qenë ca trushplarë e jo artistë. Shumica e aktorëve që kanë dhënë shpirtin në atë skenë do vazhdojnë ta japin në mënyrë dinjitoze.
Ata duan të bëjnë pazar për veten e tyre, për sistemin, ju doni të mbijetoni në politikë, po në të njëjtën mënyrë. Unë dua që ju dhe të gjithë të mbijetoni dhe të keni sukses të madh në politikë.
Për këtë nuk e fajin maxhoranca, e kanë fajin ata që ju nxorrën këtu. Gjejeni aty problemin”, është shprehur në foltore Spiropali.
