SPAK ka konfirmuar se aktualisht po shqyrton kërkesat për të futur në regjimin e ashpër disa të dënuar, për të cilët po analizohen të dhënat që lidhen me dyshime se ata vazhdojnë të mbajnë kontakte me kriminelë jashtë burgut dhe mund të porosisin aktivitete kriminale.
Në një raport dërguar Kuvendit, SPAK thekson se gjatë vitit të kaluar, Drejtoria e Burgjeve ka kërkuar 41 bllokime për 26 të burgosur, përfshirë individë të përfshirë në krime të rënda, si grabitje me armë, masakra të vitit 1997 dhe anëtarë të grupeve kriminale të njohura.
Pas hetimeve, SPAK ka refuzuar tetë nga kërkesat për bllokime, por ka propozuar për 12 të burgosur një regjimin të ngjashëm me atë italian, duke arsyetuar se ka prova sekrete që sugjerojnë se këta të burgosur vazhdojnë të kryejnë aktivitete kriminale nga brenda qelisë.
Emrat e të dënuarve, si Aleksandër Llanaj, Fatmir Pjetri dhe Fran Marashi, kanë kërkuar heqjen e vendimeve për regjimin e ashpër, por kërkesat e tyre janë refuzuar.
Përveç kësaj, SPAK njofton se gjatë një viti ka shpallur në kërkim ndërkombëtar 117 persona të lidhur me grupe kriminale dhe krime të rënda, si vrasje dhe trafikim.
Megjithatë, problemet vazhdojnë me mos-ekstradimin e disa shtetasve shqiptarë që janë arrestuar në Emiratet e Bashkuara Arabe, dhe kërkesat për t’i sjellë në Shqipëri nuk janë realizuar ende.
