Me kërkesë të SPAK, Gjykata e Posaçme e Shkallës së Parë për Krimet e Rënda (GJKKO) ka sekuestruar pasuritë e Florenc Çapjas, i dyshuar për lidhje me aktivitete kriminale të grupit të strukturuar dhe për sigurimin e kushteve dhe mjeteve materiale për vrasjen e Sokol Sanxhaktarit.
Pas hetimeve, është vlerësuar se pasuritë e sekuestruara janë të pajustifikuara nga burime të ligjshme, dhe pritet konfiskimi i tyre për shkak të dyshimeve për aktivitet kriminal.
Pasuritë që janë sekuestruar përfshijnë:
1. Arë me sipërfaqe 500 m², në Udenisht, Pogradec, në pronësi të shtetasit Ferit Muça.
2. Ndërtesë ekonomiko-sociale, një kat, me sipërfaqe trualli 36.2 m² dhe sipërfaqe ndërtese 25.73 m², në Lagjen “Emin Matraxhiu”, Elbasan, në pronësi të Fejzulla Ramazan Çapja (babai i Florenc Çapjas).
3. Arë + truall + ndërtesë, me sipërfaqe totale 1756 m², në pronësi të Fejzulla Ramazan Çapia dhe Xhemile Bajram Çapja (babai dhe nëna e Florenc Çapjas).
4. Godinë banimi, me sipërfaqe trualli 498.8 m² dhe sipërfaqe ndërtese 293.8 m², në Lagjen “Emin Matraxhiu”, Elbasan, në pronësi të Fejzulla Ramazan Çapja.
5. Ndërtesë sociale-ekonomike, me sipërfaqe totale 360 m² dhe sipërfaqe ndërtese 120 m², në Lagjen “Emin Matraxhiu”, Elbasan, në pronësi të Bledar Mefail Muça.
6. Arë me sipërfaqe totale 720 m², në Lagjen “Emin Matraxhiu”, Elbasan, në pronësi të Fejzulla Ramazan Çapja dhe Xhemile Bajram Çapja.
7. Arë me sipërfaqe totale 764 m², në Lagjen “Emin Matraxhiu”, Elbasan, në pronësi të Fejzulla Ramazan Çapja dhe Xhemile Bajram Çapja.
8. Arë me sipërfaqe totale 1380 m², në Lagjen “Emin Matraxhiu”, Elbasan, në pronësi të Fejzulla Ramazan Çapja dhe Xhemile Bajram Çapja.
9. Automjet Audi A8, viti 2008, me numër shasie 4E.
10. Subjekti “Fejzulla Çapja”, me aktivitet lavazh bar-kafe, në Lagjen “Emin Matraxhiu”, Elbasan.
Hetimi ka zbuluar se këto pasuri janë të dyshuara si rezultat i aktivitetit kriminal të Florenc Çapjas.
