Prokuroria e Posaçme ka kërkuar sekuestrimin e të gjitha pasurive të Redjan Rrajës, i cili është dënuar me burg të përjetshëm pas atentatit ndaj ish-prokurorit të Durrësit, Arjan Ndoja.
Ky atentat i mori jetën shoferit të prokurorit, Andi Malokut në mbikalimin e urës së Shkozetit.
SPAK bën me dije se Rrajës do i sekuestrohen nëntë pasuri, si apartamente, njësi tregtare, madje edhe dy automjete luksoze, “Audi – A8”.
Lista e pasurive që sekuestrohen:
“Pasuria e llojit apartament, (Njësi Tregtare) me sip. 76 m2, e ndodhur në Tiranë.
Pasuria e llojit Njësi Tregtare, me sip. 30 m2, e ndodhur në Tiranë.
Pasuria e llojit Njësi Tregtare, me sip. 127.5 m2, e ndodhur në Tiranë.
Pasuria e llojit garazh, me sip. 18.09 m2, e ndodhur në Tiranë.
Pasuria e llojit garazh, me sip. 18.09 m2, e ndodhur në Tiranë.
2 (dy) Automjete të tipit “Audi – A8”.
Automjet i markës “Bentley” tipi Continental.
Një orë dore tip “Roleks”.
Shuma prej 2750 Euro.
