Seanca gjyqësore ndaj ish-kryebashkiakut të Durrësit, Vangjush Dako, është shtyrë për më 25 Nëntor. Gjatë seancës të planifikuar, pritej të dëgjohej mbrojtja e tij dhe të merrej vendimi përfundimtar nga GJKKO.
SPAK ka kërkuar dënimin e Dakos me 4 vite burg për shpërdorim detyre, për dy raste: dhënien e një leje ndërtimi në vitin 2014 dhe tenderin e supervizimit të promenadës për vijën bregdetare.
Duke përfituar nga gjykimi i shkurtuar, dënimi i tij mund të ulet në 2.8 vite. Aktualisht, Dako është nën masën e arrestit shtëpiak.
