SPAK ka kërkuar dënimin e kryebashkiakut të Devollit, Eduard Duro, me 1 vit burg për shpërdorim detyre, dënim që konvertohet në 3 vite shërbim prove.
Përveç kësaj, kërkohet që Duro të mos ushtrojë funksione publike për 5 vite.
Prokurori Dritan Prençi kërkoi të njëjtin dënim për katër zyrtarë të tjerë të Bashkisë së Devollit, të akuzuar për të njëjtën vepër, përkatësisht Astrit Seferkolli, Gazment Haxhia, Gazment Mali dhe Vosjava Bregu.
Në seancën e ardhshme, mbrojtja do të paraqesë kundërshtimet e saj, dhe gjykata do të vendosë përfundimisht mbi dënimin e të akuzuarve.
Eduard Duro u bë zyrtarisht i pandehur nga SPAK disa muaj më parë, pasi akuzohet për licencimin e një biznesi, një pikë karburanti në Bilisht, që ishte ndërtuar pa leje.
Hetimi ka nisur pas një kallëzimi të depozituar nga një subjekt tjetër në Prokurorinë e Posaçme Antikorrupsion.
