SPAK ka vendosur heqjen e masës së sekuestros për një ndërtesë 1-katëshe në Shkodër, që rezulton në pronësi të Aldo Manishtes.
OFL sekuestroi banesën me urdhër të drejtorit të përgjithshëm të Policisë së Shtetit Ardi Veliu më datë 4 shkurt, por SPAK arsyeton se banesa është sekuestruar në kundërshtim me kërkesat e Aktit Normativ.
Kujtojmë se Manishta është i shpallur në kërkim nga policia si pjesë e bashkëpunëtorëve për rrëmbimin dhe zhdukjen e trupit të Jani Prengës dhe dyshohet se ka ndihmuar në fshehjen e rrobave të viktimës.
Në kërkesën e dërguar në Gjykatën e Posaçme të Shkallës së Parë për Korrupsionin dhe Krimin e Organizuar, SPAK, kërkon miratim sekuestroje për pronat e familjes Hajri, për pasuritë e mëposhtme :
- Vilë katërkatëshe e ndodhur në Pjezë, Durrës.
- Kompleksi “Golden Resort”, i ndodhur në Pjezë, Durrës.
- Karburanti “ALT OIL 2008”, i ndodhur në Pjezë, Durrës.
- Vilë dykatëshe, e ndodhur në Pjezë, Durrës.
- Pasuria tokë arë, me sipërfaqe 3280 m2, e ndodhur në Pjezë, Durrës.
- Pasuria tokë arë, me sipërfaqe 398 m2, e ndodhur në Pjezë, Durrës.
- Pasuria tokë arë, me sipërfaqe 561 m2, e ndodhur në Pjezë, Durrës.
Po ashtu, është kërkuar sekuestrimi i mjetit të blinduar “Audi A8”, që rezulton të jetë i Pëllumb Ymerit apo Rumi i Shijakut, i cili është përfshirë në atentatin e prokurorit Arjan Ndoj.
SPAK ka kërkuar gjithashtu sekuestrimin e pronave të Saimir Taullaut, të cilat përfshijë:
- Pasuri, me sipërfaqe 700 m2, nga të cilat truall nën objekt 478 m2
- Godinë ekonomike 2 kate dhe ambiente shërbimi (Shoqëria “SABA-Taullau 3” shpk), e ndodhur në Lushnjë.
- Pasuri me sipërfaqe 595 m2, nga të cilat truall nën objekt 418.72 m2,
- Godinë ekonomike 2 (dy) kate, karburant dhe ambiente shërbimi, e ndodhur në Lushnjë.
- Pasuri me sipërfaqe 235 m2, nga të cilat truall nën objekt 104.7 m2, godinë banimi 2 (dy) kate, e ndodhur në Lushnjë.
- Pasuri me sipërfaqe 465 m2, nga të cilat truall nën objekt 155 m2, godinë ekonomike 1(një) kat dhe podrum, e ndodhur në Lushnjë.
- Automjet tip “Nisan Pathfinder”, ngjyrë gri.
- Automjeti tip “JEEP”, me ngjyrë të errët.
Kujtojmë se SPAK është i përfshirë në aksionin e “Anti-KÇK”, ku procedohet si më poshtë:
- Subjekteve u dërgohet nga një letër dhe do u kërkohet të plotësojnë kërkesat e formularit për burimin e pasurisë së tyre brenda 48 orëve.
- Më pas formulary shkon në SPAK dhe do hetohet për një periudhë 15 ditore.
- Dhe pas kontrollit të SPAK në Gjykatë, ku shkojnë më pas subjektet për të justifikuar pasurinë.
