Pasditen e sotme ish kryeministri, Sali Berisha gjatë takimit të tij me simpatizantët e partisë Demokratike në Elbasan ka deklaruar se pas përfundimit të procedurave për zgjedhjen e kryetarit të ri, do të vazhdonte menjëherë aksioni për të bindur qytetarët se tashmë PD është një alternativë qeverisëse.
Gjithashtu Berisha tha se sot kishte kërkuar nga Edi Rama heqjen e parashikimit për kryeministër.
“Ish kryeministri, Sali Berisha: Pas përfundimt të kësaj procedure, ajo që unë kërkoj nga çdo demokrat është punë punëdhe punë. Të fitojmë mendjet dhe zemrat e qytetarëve, të organizohemi në mënyrën më serioze. Mekanizmat janë të sigurta të suksesisht të ardhshëm. Unë ju them ju nga eksperienca ime e gjatë, se kushti i të gjitha kushteve për të lëvizur këtë shoqëri në drejtimin e duhur është zbatimi i ligjit. Vendosja e qytetarëve si të barabartë para ligjit.
Ky establishment bën gjithçka për të burgosur për të persekutuar demokratët. Unë nuk them se nuk ka patur mëkatarë nga demokratët, nuk them se nuk ka patur korrupsion, por ne ishim njerëz që qëndronim ndër ligjin. Ndaj edhe unë i propozova Edi Ramës eja të firmosim një ligj në parlament që ta heqim parashkrimin për kryeministrin. Si burri burrit, e kërkova”– deklaroi Berisha mes të tjerash.
