Ditën e sotme, 31 mijë maturantë do t’i nënshtrohen testit për Gjuhën e Huaj, pavarësisht se jemi në mes të pandemisë Covid-19.
Testimi nis në orën 10:00 dhe zgjat për 2 orë, ndërsa disa nga procedurat për mbarëvajtjen e provimit do të jenë të diktuara për shkak të situatës me pandeminë e Covid-19.
Bëhet e ditur se në klasa do të jenë vetëm 10 nxënës me distancë 1.5 metra.
Gjithashtu do të jenë të pajisur me maska, doreza dhe dezinfektantë në çdo bankë.
Gjithashtu maturantëve do t’u matet temperatura.
Kujtojmë se më datë 11, maturantët do të japin provimin e Gjuhës Shqipe, ndërsa më datë 15 qershor provimin e Matematikës.
Në fund të sezonit, më datë 18 maturantët japin provimin e lëndës me zgjedhje.
