Kryeministri Edi Rama, nëpërmjet një postimi në Facebook, bën me dije se ditën e sotme do të hapen prenotimet për fluturimet e riatdhesimit që nisin të shtunën nga Roma.
Si kishte njoftuar edhe më parë, kryeministri sqaron se fluturimet do të paguhen nga vetë pasagjerët.
Paketa e ofruar nga qeveria për emigrantët është 100 euro fluturimi dhe 21 euro dita qëndrimi në hotel, ku 14 euro do mbulohen nga buxheti i shtetit dhe 7 euro për ushqimin do paguhen nga personi.
Rama thekson, se çmimi i biletës do të variojë sipas destinacioneve, ndërsa pagesa e hotelit do të jetë fikse për të gjithë.
Postimi i Ramës
SOT HAPEN PRENOTIMET PËR FLUTURIMET E RIATDHESIMIT QË NISIN TË SHTUNËN NGA ROMA✈️
PAKETA DO TË JETË 100€ PËR FLUTURIMIN QË DO TË PAGUHEN NGA PERSONI DHE 21€ NË DITË PËR AKOMODIMIN 14-DITOR NË HOTEL, PREJ TË CILAVE 14€ DO TË MBULOHEN NGA QEVERIA PËR FJETJEN E SHËRBIMIN ME STANDARTET ANTICOVID19, NDËRSA VETËM 7€ DO TË PAGUHEN NGA PERSONI PËR USHQIMIN BESOJ SE KJO PAKETË ËSHTË MËSE E ARSYESHME E FALENDEROJ AIR ALBANIAN DHE OPERATORËT TURISTIKË PËR MIRËKUPTIMIN DHE KONTRIBUTIN E TYRE ME ZEMËR SHQIPTARE NË KËTË NISËM ASPAK TË LEHTË, PËR SITUATËN E NDËRLIKUAR QË PO KALOJMË🙏 #njëAtdhe #njëFamilje *çmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë natyrisht
Për t’u kthyer në atdhe, çdo emigrant duhet të rezervojë hotelin për 14 ditë dhe më pas do të marrë një kod personal.
Me këtë kod do të bëjë aplikimin për biletën e ardhjes në faqen “Air Albania”.
Personat që aplikojnë sot, do të fluturojnë drejt Shqipërisë të shtunën.
