Sot shënohet Dita Ndërkombëtare Kundër Kancerit, një mundësi për të rritur ndërgjegjësimin global mbi këtë sëmundje që prek miliona njerëz çdo vit. Sipas Organizatës Botërore të Shëndetësisë, kanceri është një nga shkaktarët kryesorë të vdekjeve, veçanërisht në vendet me të ardhura të ulëta dhe të mesme.
Për të luftuar këtë problem, OBSH ka vënë në dispozicion një udhëzues të ri për diagnostikimin e hershëm të kancerit, që synon përmirësimin e trajtimit dhe mbijetesës. Me implementimin e këtyre udhëzimeve, planifikuesit e kujdesit shëndetësor mund të përmirësojnë diagnostikimin e hershëm dhe të sigurojnë trajtim të menjëhershëm, veçanërisht për kanceret e gjirit, cerviksit dhe ato kolo-rektale.
Tre hapa kyç për përmirësimin e diagnostikimit të hershëm të kancerit, sipas OBSH-së, janë:
1.Përmirësimi i ndërgjegjësimit publik: Një hap i rëndësishëm është rritja e ndërgjegjësimit për simptomat e kancerit dhe inkurajimi i individëve që të kërkojnë ndihmë mjekësore nëse ato simptoma paraqiten. Kjo mund të ndihmojë në identifikimin e hershëm të sëmundjes dhe fillimin e trajtimit në faza më të shpejta.
2.Investimi në fuqizimin e shërbimeve shëndetësore: Është e nevojshme të investohet në përmirësimin dhe pajisjen e shërbimeve shëndetësore dhe të sigurohet që profesionistët shëndetësorë të trajnohen siç duhet për të realizuar diagnoza të sakta dhe të shpejta. Kjo do të mundësojë trajtimin më të mirë dhe më efikas të pacientëve.
3.Sigurimi i trajtimit të sigurt dhe efektiv: Të sigurohet që ata që jetojnë me kancer të kenë mundësi për trajtim të sigurt dhe efikas, përfshirë mundësinë për të ulur dhembjet dhe për të shmangur vuajtjet personale dhe financiare. Ky hap është i rëndësishëm për të siguruar cilësinë e jetës së pacientëve dhe për t’u mundësuar atyre të përballojnë sfidat e trajtimit.
