Shqipëria në BE është një çështje shumë e diskutuar sidomos tani, në një moment që deputetët e opozitës kanë hequr dorë nga mandati në Parlament.
Megjithatë ambasadori i BE-së në Tiranë, Luiggi Soreca ka qenë për vizitë në KE dhe përmes një postimi në rrjetin e tij social, Twitter ka folur rreth diskutimeve që ka realizuar.
Soreca ka thënë se temë kryesore diskutimi që e ka folur gjerë e gjatë ka qenë ajo e ecurisë së reformave në vendin tonë. Soreca është shprehur se është në pritje të Raportit Vjetor të Komisonit Evropian.
“Sërish në Bruksel, në Këshillin e Bashkimit Evropian 🇪🇺 për të diskutuar me Shtetet Anëtare në #COWEB gjendjen e zbatimit të reformave kyçe dhe situatën politike aktuale në Shqipëri 🇦🇱. Në pritje të Raportit Vjetor të Komisionit Evropian dhe vendimit të qershorit nga Këshilli për hapjen e negociatave për anëtarësim.”-shkruan ai në Twitter.
