Luigi Soreca, ambasadori i BE-së në Shqipëri, së fundmi ka realizuar një komunikim me qytetarët shqiptarë ku ka folur për çeljen e negociatave të vendit tonë me BE dhe për situatën e krijuar nga COVID-19.
Mes të tjerash, ambasadori ka përmendur arritjet e Shqipërisë në 6 muajt e fundit, duke veçuar:
- krijimi i SPAK,
- emërimi i kreut të ILD,
- emërimi i prokurorit të përgjithshëm,
- emërimi i drejtorit të BKH
- tryeza për reformën zgjedhore.
“24 Marsi është një ditë historike për Shqipërinë, që e ka sjellë më pranë BE-së në një status tjetër. Progresi i Shqipërisë nga tetori i vitit të kaluar është i dukshëm. E rëndësishme ka qenë që Shqipëria të bënte përparim dhe ecuri përpara, kjo ka qenë kritike. Po përmend disa arritje në 6 muajt e fundit, krijimi i SPAK, emërimi i kreut të ILD, prokurorit të përgjithshëm, drejtorit të BKH pas pak ditësh që do të mbarojë. Por edhe tryeza për reformën zgjedhore” tha ambasadori.
Më tej, Soreca tha se synimi i tij është që të ndihmojë në plotësimi i të gjitha pikave që ka kërkuar BE që vendi ynë t’i realizojë, teksa renditi disa nga çështjet me delikate që meritojnë vëmendje të veçantë:
- reforma gjyqësore,
- funksionimi i Gjykatës Kushtetuese dhe të Lartë,
- lufta ndaj krimit dhe korrupsionit si dhe implementimi i plotë i SPAK dhe BKH,
- lufta ndaj krimit të organizuar dhe pastrimit të parave,
- lufta kundër emigracionit, azilantëve,
- ndryshimi i ligjit për mediat ku rol do të luajë opinioni i Venecias,
- çështja e të drejtave të njeriut, të pronësisë, minoriteteve.
“Kushtet që janë vendosur që Shqipëria të ulet në konferencën ndërqeveritare është Reforma Zgjedhore të miratuar në linjë të plotë sipas rekomandimeve të OSBE dhe transparenca e financimit të partivee gjatë fushatës elektorale. Vazhdimi i reformës gjyqësore, funksionimi i Gjykatës Kushtetuesedhe të Lartë por dhe lufta ndaj krimit dhe korrupsionit si dhe implementimi i plotë i SPAK dhe BKH. Shqipëria duhet të luftojë krimin e organizuar dhe pastrimin e parave si dhe të bashkëpunojë me SHBA. Këto janë të rëndësishme. Po ashtu është e rëndësishmë puna të vazhdojë për luftën kundër emigracionit, azilantëve. Duhet bërë punë për ndryshimin e ligjit për mediat ku rol do të luajë opinioni i Venecias.Puna duhet të vijojë edhe për elementët e tjerë që janë përmendur edhe në Bundestagun gjerman ku u pa qartë edhe qëndrimi i Gjermanisë.Puna duhet të vazhdojë për çështjen e të drejtave të njeriut, të pronësisë, minoritetet. Ai grupi i parë i kushteve duhen të plotësohen përpara tryezës ndërqeveritar kurse pjesa tjetër është pjesë e kuadrit negociues. Dhe do të monitorohen nga KE. Do të jenë pjesë e raporteve që KE do të informojë vendet anëtare dhe BE. “
https://www.facebook.com/eu.delegation.albania/videos/525334845055955/
