Mbrëmjen e sotme do të mbërrijnë në vendin tonë dozat e radhës të vaksiëns Pfizer. Lajmin e ka komnifrmuar ministrja e Shëndetësisë, Ogerta Manastirliu nga Lezha, ku ka nisur vaksinimi i mësuesve. Ajo ka thënë se 9320 doza të Pfizer do të mbërrijnë sot në Shqipëri.
“Sot kemi njoftim për mbërritjen sërish nga Pfizet të 9320 dozave të tjera”, tha Ministrja e Shëndetësisë.
Ndërkohë, kryeministri Rama ka thënë se proecsi i vaksinimit duhet mbyllur sa më shpejt dhe ka thënë se për pak ditë do të vijë në vend një mal me doza.
“Duhet ta mbyllim shpejt procesin e vaksinimit me sasinë e vaksinave në dispozicion pasi për pak ditë do të sjellim një mal doza dhe duhet ta dyndim të gjithë Shqipërinë me vaksina. Qëllimi është që deri në fund të qershorit ne të kemi këputur shumë hallka të zinxhirit të infektimeve, që të kemi sezonin turistik të lehtësuar”, ka thënë Rama.
Ndërkohë të premten erdhën në Shqipëri dozat e para të vaksinës AstraZeneca me të cilat nisi vaksinimi i mësuesve. Shumë vende europiane e kanë pezulluar vaksinimin me AstraZeneca pasi disa persona të vaksinuar patën mpiksje të gjakut. Kompania reagoi duke thënë se vaksina është e sigurt dhe nuk ka prova që tregojnë se shkakton koagulim të gjakut.
