Ditën e djeshme u shemb “Prestige Resort” në Golem, pronë e Irfan Hysenbelliut, duke ndërhyrë për rikthimin e 4000 metrave katror rërë e det të kthyera në beton dhe ndërtime të paligjshme.
Ndërkohë përballë kësaj ngjarje, opozita me anë të reagimeve të saj publike, i doli në mbrojtje Irfan Hysenbelliut, duke demonstruar edhe njëherë se është në mbrojtje të paligjshmërisë.
Deklaratat “ngushëlluese” dhe suportuese të opozitës ndaj oligarkut që iu prishën interesat e tij, nuk kanë mbetur pa u ironizuar edhe nga ish-anëtari i Këshillit Kombëtar të PD-së, Edvin Kulluri.
Ai ka publikuar një foto të resortit të Irfan Hysenbelliut, i cili pasi zaptoi 4 mijë metra katrorë rërë në det, me një ndërtim pa leje, pjesa e pishinave u shemb sot nga IKMT.
Të shumtë ishin ata që e konsideruan si një goditje të fjalës së lirë me pretendimin se “Rama” kërkon ndryshimin e linjës editoriale të medias, duke përfshirë këtu edhe deputetët e opozitës. Kulluri ka ironizuar me këto deklarata, duke i quajtur idiotë, ndërsa kujton se një ndërtim të tillë kishte bërë mbi ujë dhe familja e udhëheqësit legjendar Luzim Basha.
Se c’a hyn liria e fjales me foton e meposhtme nuk po e kuptoj dot prej oresh! A ka ndertime te tjera abuzive?! Po dhe sa te duam! Nje te tille kishte bere mbi uje dhe familja e udheheqesit legjendar Luli Basha ne Vlore! Edhe atehere u godit medemek ‘liria politike’! Po mire mo, idiote i dini njerezit te dalin ne protesta per milionat qe beni mbi det! Meqe ra fjala, zoti Kryeminister mund te fillosh te prishesh ndertimet mbi rere dhe det ne cdo pellembe plazh qe mos te mendojme dhe ne normalet qe ke bere goditje selektive sot! Pasi te mbarosh nja ca shishe vere ne Beograd se mos te prishet terezia mor aman se mezi te kemi!”
Vlen të theksohet se me këtë qasje, opozita vërteton se nuk e meriton të vijë në pushtet dhe të vazhdojë po njësoj lejimin e ndërtimeve pa leje dhe mos-zbatimin e ligjit.
Aktualisht me funksionin e saj vetmja gjë që po bën, është t’i zgjasë mandatin kësaj qeverie abuzuese. Opozita sot vërtetoi se është njësoj si qeveria dhe është po njësoj siç ka qenë vite më parë, kur ishte në pushtet./ Gazeta Reforma