Ditën e djeshme një atetntat u krye ndaj Ardian Çapjas në Elbasan.
Çapja mbeti i lënduar rëndë, pasi plumbi i kaloi shumë pranë zemrës.
Ndërsa ditën e sotme, gjendja shëndetësore e Çapjas paraqitet e qëndrueshme.
Ai madje ka dhënë një deklaratë në ambientet e spitalit për hetuesit e çështjes.
Sipas “Balkanweb”, 55-vjeçari Ardian Çapja ka mohuar se ishte qëlluar me armë.
Ai është shprehur në deklaratën e tij se askush nuk mund ta vriste në shtëpinë e tij.
“Jam rrëzuar në banesë. Në shpatull më ka hyrë një hekur, në momentin që jam rrëzuar.
Nuk jam plagosur me armë.
S’më vret njeri në shtëpinë time”, mësohet të jetë shprehur Çapja për policinë.
Snajperi me të cilin u qëllua Çapja është djegur brenda makinës që iu vu flaka nga autorët.
Kujtojmë se ky është atentati i tretë që i bëhet Çapjas.
