Më herët ditën e sotme, kryeministri Edi Rama është shprehur se atë dhe Kryeministrinë nuk e merr dot peng askush.
Referuar vizës së kuqe që ka deklaruar opozita më parë për shembjen eTeatrit Kombëtar, Rama u tregua i prerë me Bashën dhe me opozitën, teksa shtoi se askush nuk mund t’i vendosë atij vija të kuqe.
Ndër të tjera, kryeministri shtoi se Basha mund të shkojë ta ndërtojë Teatrin tek Kodra e Diellit dhe madje të hapë edhe një kompani tallashi.
“Një parti ose disa parti nuk vendosin dot vija të kuqe. Vija të kuqe mund të vendosen për reforma po. Por partitë në opozitë të vërë vija të kuqe kjo nuk ndodh në asnjë vend të botës. Po Pëllumb Kullën ku e fusni? Po Viktor Zhustin ku e fusni? Mund të jenë shumë persona që thonë se kjo gjë duhet të rrijë. Por në fund të ditës gjërat ndahen. Mua dhe qeverinë nuk më merr peng dot askush.”- tha Rama në News 24.
Së fundmi, rretg këtyre deklaratave ka reaguar edhe kryetari i Partisë Demokratike Lulzum Basha.
Në një postim në Twitter, Basha shkruan se Ramës ja kanë vënë vizën njerëzit e ndershëm dhe e cilëson atë si një hajdut ordiner.
“Rama nuk e sheh më vizën e korrupsionit dhe as vizën e dhunës. Ai është peng i krimit, dhe sillet si kriminel me njerëzit. Është peng i oligarkëve dhe punon vetëm për ta. Ai vjedh përditë, shkatërron dhe varfëron shqiptarët. Ai shfrytëzoi edhe pandeminë për të vjedhur, për të shkaterruar teatrin, për të grabitur pasuritë publike dhe i la njerëzit pa asnjë ndihmë. Prandaj Shqipëria do shpëtojë prej këtij hajduti ordiner që bën vetëm keq: gjithë njerëzit e ndershëm ja kanë hequr vizën!”
Rama nuk e sheh më vizën e korrupsionit dhe as vizën e dhunës. Ai është peng i krimit, dhe sillet si kriminel me njerëzit. Është peng i oligarkëve dhe punon vetëm për ta. Ai vjedh përditë, shkatërron dhe varfëron shqiptarët.
— Lulzim Basha (@lulzimbasha_al) May 19, 2020
