BRATISLAVA
Sllovakia ka dëbuar 3 diplomatë rusë nga vendi, ndërsa vendimi është mirëpritur nga ana e Departamantit Amerikan të Shtetit.
Zëdhënësi i DASH Morgan Ortagus deklaroi se SHBA përshëndet vendimin e fundit të marrë nga ana e Bratislavës.
“Shtetet e Bashkuara të Amerikës duartrokasin veprimet e fundit të ndërmarra nga Sllovakia, si një veprim mbrojtës ndaj kërcënimeve të huaja për demokracitë e vendeve tona”, tha Ortagus në një reagim.
Ministria e Jashtme e Sllovakisë konfirmoi të hënën se autoritetet po dëbonin tre anëtarë të stafit të Ambasadës Ruse në Bratislavë për veprimtari të dyshuar spiunazhi.
Ministria e Jashtme ruse tha se edhe ajo do të ndërmarrë masa, pas kësaj ngjarje. Ndërsa, përfaqësues të ambasadës ruse në Sllovaki nuk kanë dashur të flasin për mediat vendore.
