Kolegji Zgjedhor rrëzoi ditën e sotme dekretin e presidentit Ilir Meta, për shfuqizimin e 30 qershorit si datë zgjedhjesh.
Pas këtij vendimi, ai që ka reaguar është zëdhënësi i Metës, Tedi Blushi. Ky i fundit e ka quajtur vendimin e Kolegjit Zgjedhor, një skeç të orkestruar prej kohësh. Në këtë mënyrë Kolegji Zgjedhor ka marrë rolin e Gjykatës Kushtetuese.
Kolegji Zgjedhor po sot rrëzoi kërkesën për çregjistrim të Partisë Uniteti Kombëtar, përfaqësuar nga kryetari Idajet Beqiri.
Kolegji Zgjedhor përbëhet nga gjyqtarët, Tomor Skreli, Ridvan Hado, Lindita Sinanaj, Artur Malaj dhe Shkëlqim Mustafa.
Ndërkohë kryeministri Edi Rama ka theksuar në çdo takim që ka bërë për fushatë elektorale, se zgjedhjet do të zhvillohen.
