Ditën e sotme në Durrës u identifikua vetëm një rast i ri me COVID-19.
Ai u përfshi në një aksident dy ditë më parë në tregun e makinave në Shënvlash të Durrësit.
Pasi pësoi fraktura në nofull u dërgua në spitalin e Traumës në Tiranë, ku pas skanerit i është marrë edhe tamponi, për të vërtetuar dyshimet.
Pesë të plagosurit e tjerë ndërkohë janë duke u trajtuar në spitalin e Durrësit.
Epidemiologët tashmë po bëjnë gjurmimin e kontakteve të të riut, i cili është banor i ish-kënetës.
Gjithashtu edhe 3 mjekët që i shërbyen iu nënshtruan analizave dhe për fat të mirë rezultuan negativ.
Edhe shoku i cili ndodhej në makinë me të ka rezultuar negativ.
Pavarësisht rezultateve, ata janë izoluar të gjithë në shtëpi për 14 ditë.
Numri i të prekurve nga COVID-19 në Durrës ka shkuar në 39, ndërsa janë shënuar edhe 3 viktima.
