“Arrest në burg”, kjo është masa që gjykata dha në mungesë për Avdjol Dobin, administratorin 26-vjeçar të kompanisë “DH-Albania”, e cila me dokumenta të falsifikuara fitoi tenderin për unazën e madhe.
Masa e sigurisë nga Gjykata është dhënë sot me kërkesë të prokurorisë. Avdjol Dobi është shpallur në kërkim policor që prej zbulimit të skandalit për “DH-Albania” nga emisioni “Të paekspozuarit” në “News24”.
Ky falsifikim e ka ndihmuar kompaninë Dunwell Haberman, të fitojë lotin prej 18 milionë euro të tenderit për rindërtimin e Unazës së Madhe, duke krijuar imazhin e rremë se kjo është një kompani 20 vjecare dhe me eksperincë në projektet e infrastrukturës.
Në sistemin TIMS Dobi nuk rezulton të jetë larguar nga Shqipëria, por tre herë thirrjeve të prokurorisë për t’u paraqitur nuk i është përgjigjur.
