Në mes të pandemisë, kur qindra familje kanë mbetur pa shtëpi nga tërmeti i nëntorit, Veliaj i jep oligarkut Shëlqim Fusha më shumë se 16 miliardë lekë, për rregullimin e Piramidës.
Me këto para mund të ndërtohej një spital, nja 5 azile për të moshuarit, apo mund të bliheshin aspiratorë për të infektuarit me Covid-19, maska për mjekët dhe njerëzit.
Bëhet fjalë për shumën e madhe prej 1 694 847 651,25 ku ishin në garë disa kompani. Madje njëra prej tyre është ankuar për tenderin, se janë shkelur rregullat.
Gjatë afatit ligjor për pritjen e ankesave nga shoqëritë pjesëmarrëse, pranë Autoritetit Kontraktor, Bashkia Tiranë, është paraqitur Formulari i Ankesës në lidhje me vlerësimin për procedurën e prokurimit te mësipërme“ nga Bashkimi i Operatorëve ekonomik “Agi Kons” shpk & “R&T” shpk & “BE-IS” shpk & “Ergi” shpk, hyrë në Bashkinë e Tiranës me shkresën Nr. 32256 Prot. datë 24.09.2020 (administruar në dosjen e prokurimit). Grupi i Shqyrtimit të Ankesave, i cili pasi u njoh me pretendimet e Ankimuesit konkludoi në mospranimin e ankesës, duke i kthyer pergjigje Bashkimi të Operatorëve ekonomik me shkresën me Nr. 32256/2 Prot., datë 24.09.2020.
Projekti quhet “Rijetësimi i Piramidës Tiranë” dhe do të financohet me paratë e Bashkisë Tiranë vënë në dispozicion nga buxheti i Bashkisë së Tiranës për vitin 2020, të ardhurat e Buxhetit të Shtetit vënë në dispozicion nga Ministria e Kulturës, si dhe Fondit Shqiptaro-Amerikan për Zhvillim
I konsideruar nga opinioni publik dhe politika si një ndër “oligarkët” më të mëdhenj të punëve publikë në vend, sidomos në bashkinë Tiranë, sipërmarrësi Shkëlqim Fusha, administrator dhe pronar i firmës “FUSHA Sh.P. Është i “përzgjedhuri” i Veliajt dhe bashkisë së tij, për të “rilindur” Piramidën.
Firma dhe pronari i saj Shkëlqimi, kanë fituar në 6 vitet e fundit, jo pak por shifrën marramendëse prej rreth 91 milionë eurosh tenderë nga “Rilindja”, e sidomos nga Erion Veliaj.
“GazetaReforma.com” ka mësuar se tenderi është hapur në datë 03.08.2020 dhe është mbyllur në datë 09.09.2020. Sipas burimeve, gjithçka ishte përcaktuar që Shkëlqim Fusha të jetë “rilindasi” i ish-muzeut të Diktatorit Hoxha, e njohur nga të gjithë si Piramida.
/GazetaReforma.com/
