Presidenti francez, Emmanuel Macron mund të jetë në listën e dhjetra mijera njerëzve telefoni i të cilëve përgjohet në emër të Marokut. Lajmin e ka njoftuar gazeta franceze “Le Monde”, ndërsa një skandal përgjimi ka shkaktuar shumë zhurmë ditët e fundit.
Një hetim i botuar nga 17 organizata mediatike, të udhëhequr nga grupi i gazetarisë jofitimprurëse me bazë në Paris, Forbidden Stories, tha se spyëare i quajtur Pegasus, i bërë dhe i licencuar nga kompania izraelite NSO, ishte përdorur në sulmet e provuara dhe të suksesshme të telefonave inteligjentë që u përkisnin gazetarëve, zyrtarë të qeverisë dhe aktivistë të të drejtave të njeriut.
Presidenca franceze tha se nëse zbulimet në lidhje me telefonin e Macron do të ishin të vërteta, ato do të ishin shumë serioze.
Le Monde tha se, sipas burimeve, një nga numrat e telefonit të Macron, të cilin ai e kishte përdorur rregullisht që nga viti 2017, është në listën e numrave të zgjedhur nga shërbimi i inteligjencës së Marokut për spiunim të mundshëm kibernetik.
Maroku publikoi të hënën nëj deklaratë duke mohuar çdo përfshirje në përdorimin e Pegasus dhe duke hedhur poshtë ato që i quajti akuza të pabazuara dhe të rreme.
Pretendimi u bazua në një dokument të publikuar që përmban 50,000 numra njerëzish të identifikuar si shënjestra të mundshme për Pegasusin midis vitit 2016 dhe qershorit 2021.
Lista u mbizotërua nga numra nga 10 vende – Azerbajxhani, Bahreini, Hungaria, India, Kazakistani, Meksika, Maroku, Ruanda, Arabia Saudite dhe Emiratet e Bashkuara Arabe.
Gazeta britanike The Guardian raportoi të martën se lista përfshinte numrat e telefonit të Macron dhe 13 udhëheqësve të tjerë botërorë, përfshirë Presidentin e Afrikës së Jugut, Cyril Ramaphosa dhe Kryeministrin Pakistanez Imran Khan.
