Situatë dramatike në Spitalin Rajonal të Kukësit, pasi të sëmurët kronikë nuk mund të bëjnë analizat, pavarësisht se disponojnë rekomandimin e mjekut të familjes. Sipas argumentimit që jepet shkak është ezaurimi i numrit të analizave mujore dhe të sëmurët duhet të paraqiten vetëm pas datës 1 shtator.
Ndërkohë Drejtori i Spitalit Rajonal të Kukësit, Sulejman Sokoli deklaron se puna në këtë laborator nuk është ndërprerë, kryen analiza për pacientët e urgjencës dhe ata të shtruar në spital, por për ata që janë me sëmundje kronike dhe që nuk janë të shtruar ka një moskoordinim me qendrat shendetësore dhe mjekët e familjes në lidhje me kryerjen e analizave.
Sherbimi i analizave laboratorike në Spitalin Rajonal të Kukësit prej gjashtë muajsh i ka kaluar privatit.
Ky shërbim bëhet me një numër mesatar analizash 2 deri 3 mijë të tilla në muaj. Kur ky numër kalohet shërbimi ndërpritet për qytetarët e të sëmurët kronik që trajtohen në kushte shtëpie.
“Përdhunim” i pronës/ Pallat ngjitur me shtëpinë e futbollistit Igli Allmuça: Vëllezërit Xhebrahimi bllokojnë dritaret e banesës së tij, me lejen e Bashkisë
Një leje ndërtimi në zonën e “Ali Demit” në Tiranë ka shkaktuar reagime të forta, pasi një pallat shumëkatësh po...
