Një tjetër rast problematik me kompaninë ajrore Wizz Air ka ngritur sërish alarmin për mënyrën se si kjo kompani trajton pasagjerët. Këtë herë, situata është denoncuar publikisht nga gazetarja Klodiana Lala, e cila tregon se është përballur me një praktikë të papranueshme gjatë udhëtimit.
Sipas denoncimit të saj në rrjete sociale, asaj i është ndaluar të mbajë çantën e dorës, duke u vendosur përpara një zgjedhjeje absurde: ose ta hiqte çantën, ose të paguante tarifë shtesë. Justifikimi i dhënë nga përfaqësuesit e kompanisë ishte se mbajtja e çantës së dorës nuk lejohet pa pagesë.
Në reagimin e saj, gazetarja shprehet hapur kundër kësaj sjelljeje, duke e cilësuar si abuzive dhe të papranueshme për një kompani ajrore që operon në tregun europian. Ajo thekson se këto praktika duhet të marrin fund dhe se shteti duhet të ushtrojë kontroll real mbi bilancet dhe mënyrën e funksionimit të kompanisë, përndryshe abuzimet do të shtohen edhe më shumë.
Incidentet me kompaninë e fluturimit “Wizz Air” nuk kanë të ndalur. Së fundmi gazetarja Klodiana Lala ka denoncuar në rrjete sociale një problematikë që i ndodhi me kompaninë ajrore. Konkretish gazetares i është ndaluar të mbajë çantën e dorës. Sipas ‘Wizz Air’ gratë që duan të mbajnë çantën e dorës gjatë udhëtimit duhet të paguajnë.
Klodiana Lala: Sipas Wizz grate sduhet te mbajne canta dore ne udhetim. Ndryshe te detyrojne te paguash. Sapo me ndodhi. Kjo praktike duhet te marre fund. Nese nje avokat hap proces gjyqesor cdo demshperblim qe do fitoje le ta gezoje.
Kesaj kompanie duhet qe shteti ti kontrolloje bilancet dhe menyren e operimit. Ndryshe abuzimet do behen mal…
Rasti i fundit nuk është i vetmi. Wizz Air është kritikuar vazhdimisht për sjellje arrogante ndaj pasagjerëve, për vonesa të shpeshta dhe për shitjen e më shumë biletave sesa kapaciteti real i avionëve, duke lënë udhëtarë në tokë pa zgjidhje. Këto praktika kanë shkaktuar zemërim dhe ankesa të përsëritura nga qytetarë të ndryshëm.
Denoncimi i Klodiana Lalës e nxjerr edhe një herë në pah fytyrën reale të Wizz Air, një kompani që në emër të kostove të ulëta duket se shkel rregullat, cenon dinjitetin e pasagjerëve dhe imponon tarifa të padrejta, pa asnjë transparencë dhe pa asnjë ndjesë.
