Ambasadorja e BE në Shqipëri Yuri Kim ka reaguar pas deklaratave të ashpra të kryeministrit Edi Rama ditën e djeshme. Kim sërish vijoi me ngulm në plotësimin e njërit prej kushteve më të rëndësishme që BE i vuri Shqipërisë për hapjen e negociatave.
Bëhet fjalë për listat e kandidatëve dhe përfshirjen në to të personave me të shkuara kriminale. Me anë të një postimi në rrjetet sociale, ajo i kujtoi Ramës se është detyrë e tij të tregohet i ndershëm me partnerët europianë dhe me popullin e tij.
“Drejtuesit e partive nuk duhet të pastrojnë listat e tyre thjesht sepse disa ambasadorë thonë kështu ose sepse SHBA e kanë bërë të qartë se lufta ndaj korrupsionit është prioritet. Ata duhet ta bëjnë këtë sepse kërkohet nga ligji shqiptar, është ajo që pritet nga një vend aleat i NATO-s dhe aspirant i BE-së, dhe kjo është një shenjë themelore e respektit për votuesit”,- shkruan Ambasadorja Yuri Kim në mesazhin e saj. Kryeministri Edi Rama dje reagoi përsëri për thirrjen e ambasadores së SHBA, e cila kërkoi që kandidaturat e deputetëve në zgjedhjet e 25 prillit të jenë të pastra.
Kujtojmë se dje, Rama në një konferencë për media, iu kthye ashpër kritikave të ambasadores Kim të bëra disa ditë më parë, duke thënë se nuk është punë për të qeverisja me shqiptarët, pasi ai i di mirë punët që i takojnë.
“Unë nuk kam nevojë të ma thotë ambasadorja amerikanë detyrën time. Kam shumë respekt, ajo është në të drejtën e vet. Mos ma nxirrni përpara ambasadoren amerikane. Nuk kam nevojë të ma kujtojnë punë asnjë ambasador. Unë e di shumë mirë detyrën time karshi ligjit dhe popullit shqiptar. Ligji është fare i qartë. Kush ka bërë në të shkuarën vepra penale për të cilat është dënuar duhet të mos kandidojë për një funksion publik. Madje unë e kam nxitur që të shtihet edhe në admimistratë. Ligji bazohet në deklarimin dhe mbi kontrollin”, tha Rama dje.
Kujtojoë se gjatë vitit që lam pas, PD denoncoi shumë raste ku deputetë e kryebashkikë të Partisë Socialiste ishin të lidhur me krimin, akuzoheshin për pastrim parash dhe trafik armësh.
