Mbledhja e djeshme e Këshillit Politik është shoqëruar me debate midis kryeministrit Edi Rama dhe përfaqësuesve të dy opozitave, parlamentare dhe jashtëparlamentare. Gazment Bardhi, përfaqësues i Partisë Demokratike, dëgjohet teksa kërkon miratimin në Kuvend të marrëveshjes së 5 qershorit, ndërsa Ramës i drejtohet duke i thënë se ngërçi është krijuar pasi ai zbuloi “dashurinë e re” për listat e hapura.
Më pas ndërhyn deputeti Myslim Murrizi, i cili shprehet se Rama është ulur të negociojë pasi i kanë mbaruar lekët dhe nuk blen dot më mandate.
