Instituti Kombëtar i Shëndetësisë Publike në Kosovë, ka bërë përditësimin e shifrave të reja zyrtare të viktimave dhe rasteve të reja me covid-19, gjatë 24 orëve të fundit.
IKSHPK-ja njoftoi sot se gjatë 24 orëve të fundit kanë vdekur 15 pacientë dhe janë regjistruar 775 raste të reja me Covid-19 pas testimit të 1.903 mostrave.
“Rastet e vdekjes janë nga komunat: Prizren 4 raste (76, 66, 56, 52 vjeç), Prishtinë 2 raste (78, 66 vjeç), Ferizaj 1 rast (78 vjeç), Gjilan 1 rast (80 vjeç), Klinë 1 rast (76 vjeç), Suharekë 1 rast (77 vjeç), Pejë 2 raste (71, 64 vjeç), Vushtrri 1 rast (72 vjeç), Gjakovë 1 rast (69 vjeç) dhe Podujevë 1 rast (87 vjeç)”, thuhet në njoftimin e IKSHPK-së.
IKSHPK po ashtu njofton se gjatë 24 orëve të fundit janë shëruar edhe 553 pacientë, duke çuar në total 22. 690 numrin e të shëruarve.
Që prej 13 marsit, kur u paraqitën rastet e para me koronavirus, në Kosovë janë regjistruar 37.028 raste pozitive. Prej tyre 963 pacientë kanë humbur jetën./GazetaReforma.com/
