Reshjet e borës nuk kanë pushuar në qarkun e Korçës që nga mbrëmja e djeshme. Si pasojë e reshjeve me intensitet të lartë janë bllokuar disa fshatra në qarkun e Korçës.
Trashësia me e madhe e borës është në Mashkullore mbi 2 m borë ndërsa në fshatin Panarit situata është vështirësuar edhe më tepër për 200 banorët të cilët vijojnë të jenë të izoluar prej fillimit te Janarit.
I ftohti i acartë që ka përfshirë vendin tonë ka shkaktuar probleme të shumta në qarkullim, ku me kritike mbeten rreth 11 akse rrugore.
Mbi 10 fshatra janë izoluar në Elbasan dhe Librazhd, ndërsa prej disa orësh aty mungon edhe energjia elektrike.
Situata kritike mbetet edhe në aksin Lezhë-Milot, ku qindra qytetarë të bllokuar janë detyruar të kalojnë natën në makina.
Të bllokuar në rrugë kanë mbetur edhe dhjetra kamionë të tonazhit të rëndë në aksin Librazhd-Elbasan. Në disa akse rrugore ka prezencë të madhe dëbore dhe akulli, çka i bën të kalueshme vetëm me zinxhirë.
Situata është përkeqësuar edhe më tej në qytetin e Shkodrës, ku pas përmbytjeve, temperaturat më të ulta dhe reshjet e borës e kanë rënduar situatën.
Qeveria u gjend e papërgatitur me këtë situatë pavarësisht se përkeqësimi i motit ishte paralajmëruar. Në mungesë të borëpastruesve dhe kripës në rrugë, shumë qytetarë mbetën të bllokuar në rrugë duke e kaluar natën jashtë në temperatura të ulta.
Më konkretisht:
Velçan, trashësia e borës deri në 70 cm.
Dardhas trashësia e borës nga 90cm -1 m.
Trebinje trashësia e dëborës nga 40 -70 cm.
Proptisht trashësia e dëborës nga 60-70 cm.
Te bllokuar janë gjithashtu dhe disa fshatra në njësine administrative Gore e Moglice si dhe fushën e Maliqit ku trashësia varion nga 30-70 cm.
