Shefja e Institutit Shëndetësor Publik (ISHP) në vend, Albana Fico, nëpërmjet një interviste në një media, u shpreh se nga shifrat e deritanishme duket sikur ka një lehtësim të situatës me Covid-in.
Fico tha ndër të tjera, se duhet t’i japim vetes shansin që të mos kemi humbje jete dhe sipas saj, për të arritur këtë duhet që të zbatohen masave e rekomanduara.
Ndërkohë shefja e ISHP-së deklaroi se ora policore dhe zhvillimi i mësimit online në universitete do të vazhdojë.
“Duket sikur ka një lehtësim të situatës, por numrat nuk duhet të na bëjnë që të jemi të vetëkënaqur. Testimi klasik që vazhdojmë të bëjmë është i përcaktuar, ndërsa testimi i shpejtë na ndihmon te personat që kemi të dyshuar dhe kërkojmë rezultate menjëherë.
Situata nuk na lejon që të heqim disa masa sikurse është universiteti online dhe fasha orare policore, si dhe u shty deri në 1 shkurt lëvizja për në Angli.
Ky është një moment kritik dhe ky dimër është për t’u pasur kujdes, pasi po testojmë edhe për virozat e tjera stinore. Kam vënë re që ka një lloj relaksimi, por dua të bëjë thirrje që të mos hiqet dorë nga masat që kemi rekomanduar.
Për derisa nuk kemi vaksinim masiv dhe një kurë për virusin, ne duhet të vazhdojmë që të jemi të kujdesshëm”, ka deklaruar shefja e ISHP-së, Albana Fico./Gazetareforma.com/
