Në lidhje me situatën e krijuar në Afganistan kanë ardhur reagime të ndryshme nga shumë autoritete dhe figura të njohura të politikës.
Sulmet dhe terrori ndaj qytetarëve të Kabulit po vazhdojnë duke u tensionuar çdo ditë edhe më shumë.
NATO ka njoftuar se të paktën 20 persona kanë mbetur të vdekur deri më tani në Afganistan.
“Kriza para aeroportit në Kabul është një tragjedi. Fokusi ynë është në evakuimin e të gjithë shtetasve të huaj sa më shpejt të jetë e mundur”, tha zyrtari, i cili dëshironte të mbetet anonim.
Turma të mëdha njerëzit ndodhen përgjatë Aeroportit të Kabulit këto ditë, me qëllimin për t’u evakuuar në Evropë dhe SHBA. Mirëpo talebanët po e bëjnë të vështirë këtë proces, pasi kontrollojnë pjesët e jashtme të Aeroportit.
Shumë prej afganëve kanë humbur jetën duke luftuar kundër presionit të ushtruar nga talebanët në vendin e tyre. Jo të gjithë janë dakortsuar më masat e reja të vendosura prej ‘regjimit’ të ri dhe u janë kundërvënë. Kjo ka përfunduar me vdekjen e disa prej tyre pasi talebanët nuk duket sikur pranojnë diçka kundër rregullave të tyre.
“Forcat tona mbajnë një distancë të rreptë nga zonat e jashtme të aeroportit të Kabulit për të parandaluar përplasjet me talebanët”, shtoi zyrtari.
