Teksa prej disa muajsh tashmë situata ka qenë e tensionuar në komunat me shumicë serbe në veri të Kosovës, kryeministri i Kosovës Albin Kurti, nëpërmjet një reagimi në Tëitter është ndalur tek situata e shqiptarëve në Luginën e Preshevës. Siaps Kurtit atje shqiptarët përballen me probleme të shumta ku një prej tyre është mungesa e spitalit.
Reagimi i Albin Kurtit:
Ne nuk mund të diskriminojmë në respekt. Komuniteti shqiptar në Serbi ka të njëjtën vëmendje si komuniteti serb në Kosovë. kjo është vetë premisa e të drejtave të pakicave – se përkatësia etnike nuk mund dhe nuk duhet të përcaktojë vlerën ose mungesën tuaj në një vend. 6 mijë shqiptarë (siç ka raportuar Dr. Flora Ferati) janë larguar ilegalisht nga listat votuese dhe kështu ata nuk mund të votojnë, punojnë, blejnë prona, ose t’i dërgojnë fëmijët në shkolla. As qyteti i Preshevës dhe as Bujanoci në Serbi – popullsia e të cilit janë kryesisht shqiptarë (70%) nuk kanë spital. Banorët detyrohen të shkojnë në një qytet aty pranë, në Vranje, ku nga 700 të punësuar nuk ka asnjë shqiptar. Së fundi për një vend pune për doktor, aplikuan 10 persona – 9 shqiptarë dhe 1 serb. Ky i fundit u pranua. Ky është vetëm një shembull i diskriminimit të shqiptarëve, që përfshin edhe privimi i fëmijëve nga librat, cenzurimi i shprehjes artistike dhe spastrimi etnik mjete administrative.
