Për shkak të situatës emergjente dhe kërkesave urgjente për trajtim të pacientëve me koronavirus, Ministria e Shëndetësisë së Greqisë ka miratuar rekrutimin e 206 mjekëve nga sektori privat për një muaj me kontratë siguracioni nga sektori publik.
‘Ministria e Shëndetësisë iu drejtua për javë me radhë një ftesë-apeli mjekëve privatë, për forcimin e Spitaleve të Shërbimit Kombëtar të Shëndetit, në valën e tretë kryesore të pandemisë COVID-19 Fatkeqësisht, shumë pak mjekë privatë erdhën. Ne i falënderojmë ata. Duke marrë parasysh kushtet e urgjencës dhe nevojën urgjente për kujdes të njerëzve tanë, Ministria e Shëndetësisë po urdhëron shërbime personale të mjekëve të specialiteteve të Mjekëve, Pulmonologëve dhe Mjekëve të Përgjithshëm në Atikë “ .- tha Ministri i Shëndetësisë, Vassilis Kikilias.
Sipas gazetës vendase “Protothema”, rekrutimi i 206 mjekëve patologë, pneumonologë dhe të përgjithshëm me vendbanim zonën e Atikës hyri sot në fuqi.
Nga reagimet paraprake, shumica e mjekëve në krye të sindikatave dhe shoqatave mjekësore të Greqisë janë në konsensus me vendimin, me përmasat tragjike që po merr pandemia në vend, sidomos në kryeqytetin grek. “Le të bëjmë të gjithë detyrën sot, pa e bërë të dytë”,- ka deklaruar kryetari i Organizatës Panhelenike të Mjekëve të Greqisë, Athanasios Eksadhaktilos.
Fletat e thirrjes për paraqitje në spitalin e caktuar kanë filluar të shpërndahen nga dita e sotme. Mjekët që nuk do paraqiten në postin e caktuar do të përballen me pasojat serioze që parashikon legjislatura greke, në raste të tilla.
