Diego Simeone, pasi fitoi titullin e tij të dytë me Atletico Madrid, me shumë mundësi do të zgjasë kontratën edhe për dy vjet, dhe sipas Marca, marrëveshja arrihet brenda qershorit. Të dy palët kanë pasur gjithmonë synimin për të rinovuar një marrëdhënie që është konsoliduar gjithnjë e më shumë, por u vendos që të pritet për fundin e sezonit ku Atletico Madrid triumfoi në La Liga. Për më tepër, Simeone ka arritur të ndryshojë qasjen e tij dhe ofron stabilitet në stol për “Colchoneros”, e cila aktualisht mungon në klubet e tjera të Spanjës si Real Madrid dhe Barcelona.
Situata ekonomike e Atletico Madrid aktualisht është aq e komplikuar sa ajo e të gjitha klubeve të tjera. Është kërkuar një rritje e kapitalit dhe këto para do të përdoren për të siguruar vazhdimësinë me skuadrën aktuale. Blerja më e mirë për Atletico Madrid, pra, do të jetë rinovimi i “Cholo”. Në çdo rast, klubi spanjoll do të përpiqet të përmirësojë skuadrën në të gjitha departamentet. Për të mbështetur një sulm që tashmë ka emra të kalibrit të Suarez dhe Joao Felix Simeone. Simeone ka këkruar që të ketë në klub sulmuesin e qendrës së Inter Lautaro Martinez. Madrilenët do të përpiqen ta marrin atë, por nuk do të jetë e thjeshtë pasi Inter kërkon 70 milion për shitjen e argjentinasit
