Zgjedhjet presidenciale në SHBA duket se janë futur në një spirale të vështirë, ku moment pas momenti në vend që të zbardhet situata, ajo po bëhet më e komplikuar.
Kjo situatë të përngjason pak me zgjedhjet që zhvillohen në Shqipëri, ku procesi stërzgjatet në nxjerrjen e përfundimeve dhe fituesve, në një kohë që ndodhin manipulime pa fund.
Nisur nga kjo, rezultati i zgjedhjeve në SHBA nuk do jetë i shpejtë si herët e tjera.
Edhe i dërguari i posaçëm i Donald Trumpit, për Europën, Richard Grenell, ka bërë thirrje që të shikohen vendbanimet e votuesve me qëllim që të sigurohen se njerëzit e vdekur nuk kanë votuar.
Përmes një postimi në Twitter, Grenell, ka deklaruar se, është e rëndësishme që të bëhen të gjithë verifikimet e nevojshme, pasi sipas tij njerëzit meritojnë të dinë nëse të gjitha votat janë të ligjshme.
“The people deserve to knoë that all the votes are LEGALLY made.
Look at the residences of the voters. Make sure dead people didn’t miraculously vote. Verify votes are LEGAL.
— Richard Grenell (@RichardGrenell) November 4, 2020”
“Njerëzit meritojnë të dinë nëse të gjitha votat janë të ligjshme. Shikoni vendbanimet e votuesve. Sigurohuni që njerëzit e vdekur mrekullisht nuk kanë votuar. Verifikoni nëse votat janë të ligjshme”,- shkruan Grenell në mesazhin e tij në “Twitter”.
/GazetaReforma.com/
