Lirohet nga qelia ish-kryetarja e Shërbimit të Provës në Kurbin, Lindita Lelçaj. Gjykata e Kurbinit ka caktuar masën e sigurisë “arrest shtëpie”, sepse Lelçaj ka shfaqur probleme shëndetësore pas arrestimit nga policia.
Ajo u vu në pranga nga një agjent i infiltruar, i cili i kishte kërkuar një favor për të manipuluar disa dokumente në këmbim të parave.
Lelçaj akuzohet se manipulonte provat për persona që vuanin dënimin, duke dhënë verifikime edhe për të dënuar që ndodheshin jashtë vendit.
Gjatë momentit të arrestimit asaj i janë sekuestruar edhe një sasi vlere monetare, të cilat i janë dhënë nga agjenti i infiltruar. Lelçaj akuzohet për veprën penale ‘Shpërdorim detyre’, pasi ka prova se ka manipuluar dokumentet e të dënuarve.
/GazetaReforma.com/
