Udhëheqësi i Koresë së Veriut, Kim Jong-un, ka shpërthyer në lot për dështimin e tij për të drejtuar vendin nëpër kohë të trazuar, të përkeqësuar nga shpërthimi i koronavirusit.
Gjatë fjalimit që ai po mbante në një paradë të madhe ushtarake në fundjavë 75-vjetorin e Partisë Popullore në pushtet, ai u filmua duke qarë.
Mediat koreane publikuan pamjet teksa udhëheqësi i tyre Kim shihet duke hequr syzet dhe fshin lotët – një tregues, thonë analistët, i presionit në rritje ndaj regjimit të tij.
“Njerëzit tanë kanë besuar tek unë, lart sa qielli dhe thellë si deti, por unë nuk kam arritur ta bëj këtë gjithnjë në mënyrë të kënaqshme. Më vjen shumë keq për këtë”.
Duke cituar gjyshin dhe babanë e tij, dy udhëheqësit e mëparshëm të Koresë së Veriut, Kim vazhdoi:
“Edhe pse mua më është besuar përgjegjësia e rëndësishme për të udhëhequr këtë vend duke mbështetur kauzën e të mëdhenjve Kim Il-sung dhe Kim Jong-il, falë besimit të të gjithë njerëzve, përpjekjet dhe sinqeriteti im nuk kanë qenë të mjaftueshme për të çliruar njerëzit tanë nga vështirësitë në jetën e tyre”.
Gjatë paradës u paraqit dhe zbulimi i pritur i një rakete të re balistike ndërkontinentale dhe pajisjeve të tjera ushtarake.Ndërkohë udhëheqësi i Koresë së Veriut tha se në vendin e tij nuk ka asnjë rast me koronavirus.
