Kryeministri i vendit Edi Rama, pas mbarimit të seancës së parë plenare e cila është e ndarë në dy orare të ndryshme, është ndalur në një prononcim për mediat. Ndër të tjera ai është pyetur edhe në lidhje me vendimin që ka marrë kreu i Partisë Demokratike, Lulzim Basha për përjashtimin e Sali Berishës nga grupi parlamentar i PD-së.
Gazetarët i kanë drejtuar disa pyetje dhe një nga to është në lidhje me faktin nëse Basha ‘vrau babain e tij politik’, përgjigja e kryeministrit ishte: PS mori një mandat të tretë për të çuar Shqipërinë në nivel tjetër.
Ndërsa është pyetur në qoftë se do të ketë një bashkëpunim midis PD dhe PS-së, Rama ka ritheksuar sërish ditën e sotme se “dora është e shtrirë”.
Jeni i kënaqur që Basha vrau ‘babanë’-Sali Berishën?
Edi Rama: PS ka marrë mandatin e tretë për ta çuar vendin në një nivel tjetër. PS sot është në një moment jashtëzakonisht me rëndësi të rrugëtimit sepse duhet të ndjejë në gjithë qelizat e veta të çuarjes se Shqipërisë në nivel tjetër, se sa mund kërkojë kjo, janë të parëndësishme këto të tjerat.
-Mund të keni bashkëqeverisje, me përjashtimin e Berishës?
Ne vijmë në këtë Kuvend me dorëne shtrirë, e kam thënë që në krye të herës pavarësisht se si ndodhin zhvillimet brenda PD dhe dora është e shtrirë për të bashkëpunuar në funksion të vendit, interesave të njerëzve, borxheve që ia kemi vendit.
-Berisha tha se ka një pakt mes jush,vazhdon pakti i 2017?
Jam i përgatitur që të jem në lartësinë e fjalëve duke dhënë shembullin i pari dhe natyrisht duke u përmirësuar në raport me ju. Jam shumë i vetëdijshëm që padashje pa menduar se mund të kem tejkaluar kufirin dhe kam bërë atë që nuk e bën kurrë një boksier i peshës së rëndë me atë të peshës së lehtë, kam filluar të kem shqetësime për ju. Që unë te jem në dispozicionin tuaj i urtë, i butë i qetë. Në rast se kjo nuk do ndodhë një moment do jetë gabimi im.
-Këtë keni bërë dhe ju me Fatos Nanon. E konsideroni moral?
E kuptoni se sa e madhe është sfida jonë dhe sa të mëdha janë problemet dhe shpresat e njerëzve. PS e ka të pamundur të shikojë nga lart -poshtë, siç po ndodh në këtë moment se përndryshe humb horizontin. Jemi lart, shumë para, nuk ndalojmë të kthejmë kokën ta ulim poshtë.
-U trishtuat nga përjashtimi i Berishës?
Janë evenimente të rëndësishme në brendësinë e njeriut për t’i shpërdoaur për çështje të natyrës politike.
Sali Berisha ka akuzuar Lulzim Bashën se ka bërë marrëveshje me kryeministrin Edi Rama për ta përjashtuar nga grupi parlamentar i PD-së. Po me çfarë kostoje?
