Kryeministri i vendit Edi Rama, ka marrë pjesë ditën e sotme në edicionin e 23-të “Symi Symposium”, në Athinë i cili është organizuar e drejtuar nga ish-kryeministri grek George Papandreou dhe me pjesëmarrje personalitetesh të njohura të politikës, ekonomisë e botës akademike ndërkombëtare, mbi sfidat dhe projektet e post-pandemisë.
Papandreou i ka kërkuar kryeministrinë të vendit Edi Rama, që të flasë se si arriti të marrë mandatin e tretë për të qeverisur edhe për katër vitet e ardhshme.
Rama renditi disa nga arsyet se pse PS fitoi mandatin e tretë. Për Ramën arsyet kryesore janë ndryshimi i vazhdueshëm i partisë dhe identifikimi i PS-së si parti e ndryshimit jo si parti e pushtetit. Ndërsa arsyeja tjetër lidhej me progresin që PS i kishte dhënë vendin gjatë kohës që ishte në pushtet.
“Është kënaqësi që kthehem këtu dhe pse nuk është e lehtë të kuptosh që jemi më të vjetër, sërish jam mjaft i lumtur që pata mundësinë të vij dhe të ndaj me ju disa momente mjaft të këndshme.
Ne fituam mandatin e tretë dhe besoj se mbi të gjitha ia dolëm pasi gjatë gjithë kohës kemi luftuar që të mos bëhemi asnjëherë një parti që identifikohet me pushtetin, por të mbetemi në sytë e njerëzve partia që identifikohet me ndryshimin dhe për ta bërë këtë kemi luftuar gjatë gjithë kohës për të ndryshuar e ndryshuar partinë tonë. Jemi përpjekur të sjellim njerëz nga fusha të ndryshme të jetës dhe të kemi një sinergji në sytë e publikut midis çfarë dhe kujt identifikohet partia dhe atyre që shihen si përfaqësues të drejtpërdrejt të njerëzve. Kjo mendoj ka qenë e para”, tha Rama.
Tjetra, sipas tij ka të bëjë me atë çfarë ka bërë Partia Socialiste, ai është shprehur se shumë gjëra janë më mirë nga ç’ishin, por ka shumë gjëra që duhet të je=në më mirë është shprehur ai.
“Me sa duket për njerëzit është më në fund e qartë se kjo është rruga drejt progresit dhe se puna duhet përfunduar. Shumë gjëra janë më mirë nga ç’ishin, por ka shumë gjëra që duhet të jenë më mirë. Jemi përpjekur të jemi përherë mjaft të sinqertë me njerëzit duke iu thënë se nëse e krahasojmë atë çka kemi bërë me atë që duhet të bëjmë jemi ende larg të themi po ia dolëm. Sigurisht ajo që kemi bërë mjafton jo për të qenë t’u kënaqur por për të qenë të sigurt se kjo është rruga. mendoj se rezultatet janë të dukshme për të krijuar mendimi ne përgjithshëm se puna është në progres dhe është në drejtimi ne duhur. Kemi pasur një perceptim mjaft të qëndrueshëm për këtë drejtim të duhur që ka qenë njëfarësoj gjithmonë rruga për ne”, u shpreh kryeministri.
Në përfundim Rama tha se ka qenë një fushatë e çuditshme për shkak edhe të COVID-19, por edhe për faktin se po kërkohej një mandati tretë dhe kjo nuk është diçka e lehtë sipas tij.
“Por ia dolëm por tashmë jam mjaft optimist sepse kemi mjaft punë të rëndësishme për mjedisin, energjinë, infrastrukturën dhe po kështu shumë themele të mira për kulturën tonë dhe teknologjinë e informacionit ia kemi dalë të kryejmë një ndryshim të shpejt për qeverisjen elektronike”, tha Rama.
