Tërmeti me magnitudë 7.8 që goditi Turqinë herët sot në mëngjes ka shkatuar një numër alarmant viktimash dhe të plagosurish. Ndërkohë që ka edhe nga ata, fati i të cilëve ende nuk dihet.
Bëhet e ditur se futbollisti Christian Atsu është në mesin e të bllokuarve pas një tërmeti në Turqi.
Raportimet në Turqi bëjnë me dije se Atsu, 31-vjeçari, ish-anësor i Chelsea dhe Neëcastle, është mes të zhdukurve dhe nuk dihet ende fati i tij. Ganezi iu bashkua Hatayspor verën e kaluar dhe ka luajtur 3 ndeshje me këtë ekip. Thuhet se edhe drejtori sportiv i klubit Taner Savut gjithashtu është i bllokuar. Gazetari, Yagiz Sabuncuoglu, shkroi në Tëitter: “Drejtori Sportiv i Hatayspor, Taner Savut dhe Cristian Atsu mbetën nën rrënoja. Ekipet e kërkim-shpëtimit po kërkojnë dy emra”
Një operacion i madh shpëtimi është duke u zhvilluar në rajon ku ka më shumë se 1000 njerëz të vdekur dhe shumë të tjerë të plagosur ose të zhdukur. Turqia gjendet mbi një nga linjat më të mëdha sizmike dhe shpesh goditet nga tërmetet, ndërsa epiqendra e tërmetit të së hënës ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep. Ka pasur edhe tërmete pasuese, përfshirë edhe në shkallë prej 7.7, 6.7 apo 6 Rihter. Në të dy shtetet po zhvillohen operacione për të shpëtuar njerëzit e bllokuar nën rrënoja pas rrëzimit të ndërtesave, ndërsa në dy anët e kufirit, banorët ishin në gjumë kur goditi tërmeti.
