Kryeministri Edi Rama ndodhet ditën e sotme në Itali, ku ka zhvilluar një takim me Ministrin e Jashtëm, Luigi di Maio.
Temë kryesore e diskutimeve ka qenë tërmeti i 26 nëntorit.
Rama i tha di Maios, se shuma e dëmeve të tërmetit është rreth 1 miliard euro.
Nga ana tjetër, shefi i politikës së jashtme italiane, u shpreh se në konferencën e donatorëve më 17 shkurt, do të gjendet një zgjidhje, pavarësisht shumës së lartë.
“Raporti do të jetë gati për pak ditë por deri tani është përllogaritur rreth një miliardë euro”, tha Rama
Pritet që pak më vonë, kryeministri shqiptar të takohet me homologun e tij, Giuseppe Conte.
Dy kryeministrat pritet të diskutojnë çështjen e hapjes së negociatave dhe konferencën e donatorëve, që pritet të zhvillohet më 17 shkurt.
Kujtojmë këtu, se Komisioni Europian ka dhuruar 15 milion euro për Shqipërinë, për të kapërcyer pasojat e tërmetit të 26 nëntorit.
Gjithashtu presidentja e KE, Ursula von der Leyen, ka njoftuar mbajtjen e një konference donatorësh nga BE, për të ndihmuar me procesin e rindërtimit.
