Policia e Tiranës ka arrestuar 24-vjeçarin Miklovan Barmashi, si përgjegjës për zjarrin e shkaktuar mbrëmjen e kaluar në një karburant në zonën e Kombinatit.
Sipas dëshmisë në polici, mësohet se Barmashi kishte shkuar në karburant për të mbushur motorin.
Ai është shfajësuar para policisë, duke thënë se shtypi gazin padashje dhe u përplas me tubin e gazit.
I riu ka thënë më tej se nga frika se mos shpërthente depozita iku nga frika.
“Me motorr levizja vetem neper lagje. Nuk beja rruge te gjata prandaj nuk kisha patente. Ne karburant shkova per te furnizuar motorrin por se di si shtypa gazin pa dashje dhe motorri eci para dhe u perplas me tubin e gazit. Kur shpertheu gazi, ika nga frika se mos shperthente depozita. Jam larguar drejt banesës”, ka thënë i riu.
