Gjykata Kundër krimit të Organizuar dhe Korrupsionit, nuk e lexoi sot vendimin për të akuzuarit e 613 kg kokainë në Durrës.
Shkak për shtyrjen u bë mungesa e avokatit të Donaldo Lushajt.
Ndërkohë i akuzuari kryesor, Arbër Çekaj, u shpreh kundër prokurorit të çështjes, Edvin Kondilit.
Çekaj akuzon Kondilin se ka manipuluar provat gjatë hetimit.
Gjithashtu i pandehuri ka dërguar në KLP një kërkesë, nëpërmjet së cilës kërkohet përjashtimi i Kondilit nga çështja.
Arbër Çekaj u arrestua pas sekuestrimit të 613 kg kokainë në Durrës.
Prokuroria ka kërkuar 21 vite burg për Çekajn, 14 vite burg për menaxherin e kompanisë, Donaldo Lushajn dhe 8.8 vite për shoferin, Armando Pezaku.
