Për të tretën herë ka dështuar seanca gjyqësore ndaj Klement Balilit.
Mësohet se shkak për dështimin e seancës së sotme në Gjykatën e Apelit është bërë mosparaqitja e Balilit, por edhe mungesa e avokatit të tij, Theodhori Sollaku.
Në këtë mënyrë është shtyrë sërish seanca, duke caktuar datën 11 shtator për seancën e radhës.
Gjykata e Shkallës së Parë të Krimeve të Rënda e ka dënuar Balilin me 15 vite burg, por duke qenë se ai përfitoi gjykim të shkurtuar, do të vuajë dënimin me 10 vite burg.
Klement Balili nuk e ka pranuar as këtë dënim. Ai e ka apeluar duke pretenduar se Gjykata nuk ka prova kundër tij. Ai akuzohet për trafik ndërkombëtar droge, madje njihet edhe si “Eskobari i Ballkanit”.
